ஊட்டச்சத்து குறைபாடு என்றால் என்ன? உடற்பயிற்சி மற்றும் அதன் அவசியம்-GMD MATHS

 உங்கள் உணவு சரிவிகித உணவாக இல்லாதபோது விளைவுகள் எப்படி இருக்கும்? உடம்பு ஒட்டிய நிலையில் மற்றும் வயிற்றுப் பகுதி மட்டும் உப்பிய நிலையில் இருப்பதற்கு காரணம் ஊட்டச்சத்து குறைபாடு ஆகும்.

ஊட்டச்சத்து குறைபாடு.

• நாம் உண்ணும் உணவில் நம் உடலுக்கு தேவையான ஊட்டச்சத்துகள் அனைத்தும் சரியான விகிதத்தில் கிடைக்கவில்லை என்றால் ஊட்டச்சத்து குறைபாடு ஏற்படுகிறது.
•  ஊட்டச்சத்து குறைபாடு எனும் வார்த்தை சரிவிகித உணவை எடுத்துக் கொள்ளாததால் ஏற்படும் விளைவை குறைக்கிறது.
•  ஊட்டச்சத்து குறைபாட்டினால் நோய்கள் உண்டாகின்றன. நமது உணவில் போதிய அளவு ஊட்டச் சத்து இல்லாததால் ஏற்படும் நோய்கள் ஊட்டச்சத்து குறைபாடு நோய்கள் என்று அழைக்கப்படுகின்றன.

உங்களுக்கு தெரியுமா ?
சமீபத்தில் இந்தியாவில் நடத்தப்பட்ட ஆய்வின் படி 14.4 மில்லியன் குழந்தைகள் உடல் பருமனுடன் இருப்பதாக தெரியவந்துள்ளது. இந்த வகையில் இந்தியா சீனாவிற்கு அடுத்ததாக அதிக எண்ணிக்கையில் உடல் பருமன் உடைய கைளை கொண்ட நாடுகளுடன் இரண்டாவது இடத்தில் இருக்கிறது.

புரத சத்து குறைபாட்டினால் வரும் நோய்கள் :

நோய்கள்	அறிகுறிகள்
1.குவாஷியோர்கர்	வளர்ச்சிக் குறைபாடு, முகம் கால்களில் வீக்கம், வயிற்றுப் போக்கு மற்றும் உப்பிய வயிறு
2.மராஸ்மஸ்	மெலிந்த உடல், மெதுவான உடல் வளர்ச்சி

தாது உப்புக்கள் சத்து குறைபாட்டினால் வரும் நோய்கள்:

தாது உப்புக்கள்	நோய்கள்
1. கால்சியம்	ரிக்கெட்ஸ்
2.பாஸ்பரஸ்	ஆஸ்டியோமலேசியா
3.அயோடின்	கிரிட்டினிசம் (குழந்தைகளில்) முன்கழுத்துக்கழலை பெரியவர்கள்)
4.இரும்புச் சத்து	இரத்த சோகை

உடற்பயிற்சி : 

உடல் தகுதியையும் முழுமையான உடல் நலத்தையும் மேம்படுத்தக்கூடிய அல்லது பராமரிக்கக் கூடிய உடல் செயல்பாடு உடற்பயிற்சி எனப்படும்.

உடல் செயல்பாடு என்பது

•  குழு விளையாட்டுகள் விளையாடுதல்
•  உடற்பயிற்சி
•  யோகா
• தனிநபர் விளையாட்டு
• சுறுசுறுப்பாக இயங்குதல்
• நடனம்

ஆகியவைகள் அடங்கும்.

உடற்பயிற்சியின் அவசியங்கள் யாவை ?

1.  வளர்ச்சி மற்றும் மேம்பாட்டிற்கு அதிகப்படுத்துதல்.
2.  வயது முதிர்ச்சியைத் தவிர்த்தல். 
3.  தசைகள் மற்றும் இதய இரத்த மண்டலத்தை வலுப்படுத்துதல்.
4. ஓட்ட  விளையாட்டுத் திறனை மேம்படுத்துதல், 
5.  எடையைக் குறைத்தல் அல்லது பராமரித்தல் மற்றும் அனுபவ மகிழ்ச்சி அளித்தல்.
6. குழுந்தைகள் மற்றும் முதியோர்களில் உடல்பருமனால் ஏற்படும் விளைவுகளைக் குறைத்தல்.